2/20/2013

දුම් බීමෙන් ලබන නිර්වාණය...

සැ. යු: මෙම පෝස්ටුව පල කරන්නේ ආගම්වාදය හෝ ජාතිවාදය අවුස්සාලමින් කිසියම් ආගමකට හෝ ජාතියකට ඇඟිල්ල දිගු කිරීමට හෝ අපහාස කිරීමට නොව, මෙයට මූලික වූ තනි පුද්ගලයා හෝ ආයතනයේ ක්‍රියාව හෙලා දැකීමට බව කරුණාවෙන් සලකන්න.

මෙන්න මේකයි. පින්තූරෙ දැක්ක ගමන්ම හිතාගන්න පුළුවන්නෙ මොකද්ද වෙලා තියෙන්නෙ කියලා. මට නොතේරෙන්නෙ මේ කුණු සුද්දට මේකට දාන්න "නිර්වාණ" ඇරෙන්න වෙන නමක් තිබුනෙම නැද්ද කියන එකයි. දුම් පයිප්ප විකුණන එක මම මෙතනදි වරදක් කියල කියන්නෙ නෑ. මෙතන වරද තවත් ජන කොට්ඨාශයක් විසින් තම ආගමේ මුදුන් මල්කඩ විදිහට පිලිගන්නා තත්වයක් හඳුන්වන නමක් මේකට පාවිච්චි කිරීමයි.

නිර්වාණ වචනෙ තේරුම ගූගල් දෙයියන්ගෙන් ඇහුවාම කිව්වෙ බුද්ධාගමේ එන තේරුමට සම්බන්ධ අදහස් තමයි. තව රොක් බෑන්ඩ් එකකුත් තිබුනා. මේ දුම් පයිප්පෙට මේ නම දැමීම සාධාරණීකරණය කරන්න පුළුවන් කියලා කියන කෙනෙක් ඉන්නව නම්.. මම වැරදි අදහසක් දරනවා කියලා හිතනවා නම්, කරුණාකර මා නිවැරදි කරන්න.

ප.ලි. : මම මේ බ්ලොග් එකේ සුද්දන්ට බනිනව වැඩියි කියල කවුරුත් කියන්නෙපා... ඒක අහඹුවක් :)

7 comments:

Dinesh said...

මං දැකලා තියෙනවා ඉතාලියෙත් නිර්වාන කියන වචනේ එක එක තැන් වල එල්ලන් ඉන්නවා..

රයිටර් said...

ඇයි අර පහුගිය කාලේ "බුද්ධා බාර්" වටලපුහම එකේ තිබිලා තියනවානේ "නිර්වාන" කියල කෑම වට්ටෝරුවක්ද කොහෙද..!!

සංකල්ප said...

සුද්දා මොකට මෙහෙම දැම්මද මන්දා...

අසරණයා said...

නිර්වාන කියන වචනේ තේරුම හරියටම සුද්දා දන්නේ නැහැ. වෙසක් කියන වචනේ සුද්ද දන්නේ නැහැ.ඉතින් උන්ගේ නොදන්නා කමට මේවා දන්නේ. ජාත්‍යන්තර වශයෙන් බුද්ධාගම ඒහා සමාන වැදගත් අනිත් දේවල් පිළිඹදව දැනුවත් කල යුතුයි. කාලයක් ලංකාවේ රාවයක් ගියා වෙසක් පෝය ලෝකයටම නිවාඩු දවසක් කළා කියලා.නමුත් ඒ දේ සිංහල බෞද්දයා රැවටීමට ගත් උත්සහයක් විතරයි.

සිරාගෙ කාමරේ said...

බුද්ධාගම ගැන ලෝකයේම අවධානය යොමු වෙන අවස්ථාවක ඊට සම්බන්ධ නාම රූප භාවිතයෙන් තමන්ගෙ නිෂ්පාදන අළෙවි කරන්න ගත්ත තවත් එක් කූඨ වෑයමක්...

නිහඬ සිතිවිලි (Indrachapa) said...

ඇත්ත තේරුම දැනගෙන දැම්ම වෙන්න බැහැ. බොහෝ විට වචනේ අමුත්තක් තේරිලා දාන්න ඇති

නිලන්ත said...

භාෂාව සහ අවබෝධය අතර ගැටෙන්න හිතට ඉඩදෙන්න එපා..බුදුදහමේ නිර්වාණය අවබෝධයක්.. මේක නිකම්ම වචනයක්. සැමට සෙත් වේවා..!

Post a Comment